شارەزایەکی بواری کەشناسی ڕایدەگەیەنێت، لە هەفتەی داهاتووەوە، شەپۆلی سێیەمی گەرمای بەهێز ڕوودەکاتە ناوچەکانمان.
پشتیوان پێنجوێنی، شارەزای بواری کەشناسی ڕایگەیاند، لە ڕۆژانی 26ی تەمموز تاوەکو سێی ئابی 2026، شەپۆلی سێیەمی گەرمای بەهێز ڕوودەکاتە سەرجەم ناوچەکانی هەرێمی کوردستان.
ئەوەشی خستەڕوو، بەراورد بە ڕۆژانی پێشوو، پلەی گەرما پێنج بۆ حەوت پلەی سیلیزی بەرزدەبێتەوە و پێشبینیدەکرێت پلەی گەرما لە سلێمانی بگاتە 46 پلەی سیلیزی.
