بەڕێوەبەرایەتیی ئاسایشی سۆران لە ڕاگەیەندراوێکدا بڵاویکردەوە، چەند ساڵێکە هەژمارێک لە تۆڕە کۆمەڵایەتییەکان بە ناونیشانی دیاریکراو لە سنووری قەزای ڕواندز، وێنە، ڤیدیۆ، نووسینی نەشیاوی بڵاودەکردەوە و تەشهیری بە خەڵک دەکرد.
ئاماژەی بەوەشدا، لەسەر سکاڵای چەند هاوڵاتییەک و بە فەرمانی دادوەری لێکۆڵینەوە، بەدواداچوونیان بۆ ئەو هەژمارە کردووە کە بووەتە هۆی هەراسانکردنی خەڵکی ناوچەکە و تواندراوە تۆمەتبارێک دەستگیربکرێت.
ڕوونیشیکردەوە، تۆمەتبارەکە لە لێکۆڵینەوە سەرەتاییەکاندا دانی بە تاوانەکەیدا ناوە کە بریتیبووە هـ.ـاککردنی هەژماری هاوڵاتییان.
ئاسایشی سۆران ڕێنمایی دەداتە هاوڵاتییان و دەڵێت بەهیچ شێوەیەک لینک و بەستەری نەناسراو نەکەنەوە تاوەکو دڵنیانەبن لە سەلامەتییەکەی، ئەمەش لەپێناو ئەوەی کە هەژمارەکانیان بەدوور بێت لە هـ.ـاککردن.
