وەزارەتی کارەبای هەرێمی کوردستان ڕایگەیاند، سبەی وێستگەی گازی بەرهەمهێنانی کارەبای سلێمانی لە کاتژمێر 2ـی شەو بۆ ماوەی شەش کاتژمێر دەکوژێتەوە.
وەزارەتی کارەبای حکومەتی هەرێمی کوردستان لە ئاگادارییەکدا بڵاویکردەوە، سبەی هەینی، 26ـی 6ـی 2026، وێستگەی گازی بەرهەمهێنانی کارەبای سلێمانی لە کاتژمێر 2ـی شەو بۆ ماوەی شەش کاتژمێر دەکوژێتەوە.
ڕاشیگەیاند، لە ماوەی ئەم چەند کاتژمێرەدا، دەکرێت بەشێک لە هاوڵاتییان دووچاری پچڕانی کاتیی کارەبا ببنەوە.
ئاماژەی بەوەشکرد، ئەم هەنگاوە لە چوارچێوەی چالاکییەکانی بەستانی بۆریی نوێی گازی کێڵگەی کۆرمۆرە بە وێستگەی بەرهەمهێنانی کارەبای سلێمانی، کە دەبێتە هۆی زیادکردنی بەرهەمهێنانی کارەبا لە داهاتوودا.
