سەرچاوەیەک لە وەزارەتی دارایی هەرێمی کوردستان ڕایدەگەیەنێت، بەڵێنمان وەرگرت مووچەی فەرمانبەرانی هەرێمی کوردستان لەگەڵ فەرمانبەرانی عێراقدا خەرجبکرێت.
ئەو سەرچاوەیە بە تۆڕی میدیایی ئێستای ڕاگەیاند، وردبینی لە لیستی مووچەی مانگی شەش تەواوبووە و ڕۆژی چوارشەممە یان پێنجشەممە، ڕەوانەی وەزارەتی دارایی عێراق دەکرێت.
وتیشی، دوای ناردنی، وەفدێکی وەزارەتی دارایی دەچێتە بەغداد و لەبارەی مووچەوە، گفتوگۆ لەگەڵ بەرپرسانی حکومەتی عێراق دەکەن، تا کاتی هاتنی پارەی مووچە بزانرێت.
باسی ئەوەشیکرد، دابەشکردنی مووچە لە کاتی خۆیدا دەبێت و کێشە لەسەر داهاتی نانەوتی دروستنابێت، بۆ ئەم مەبەستە گفتوگۆکان بەردەوامن؛ بەڵێنیشمان وەرگرتووە مانگانە لەگەڵ فەرمانبەرانی عێراق، مووچەی فەرمانبەرانی هەرێمی کوردستانیش خەرجبکرێت.
