شیلاجیت، ماددەیەکی سروشتییە کە لە ناوچە شاخاوییەکان دروستدەبێت و لەکۆنەوە لەبواری پزیشکیدا بەکاردێت، لەم ساڵانەی دواییدا زاناکان دەستیان کردووە بە توێژینەوە لەسەر کاریگەرییەکانی.
سوودەکانی ئەم ماددەییە چیین؟
• هەبوونی دژەئۆکسێنەرەکان کە یارمەتیی پاراستنی خانەکانی جەستە دەدەن.
• هەستی ماندوێتی کەمدەکاتەوە و جەستە چالاکتر و بەهێزتر دەکات.
• هۆرمۆنی تێستێستیرۆن زیاد دەکات و کوالێتیی سپێرم لە پیاواندا باشتردەکات .
• کاریەگەریی باشی لەسەر بیرەوەری و یادگەی مرۆڤ هەیە و دەتوانێت مێشک بەهێزتربکات.
زیانەکانی چین؟
• ئەگەر بەرهەمەکە پاک نەکرابێتەوە و ڕاستەوخۆ بەکاربهێندرێت، ڕەنگە ماددەی زیانبەخشی تێدابێت.
• دەتوانێت لە هەندێک کەسدا هۆکاری سەرئێشە، سەرسوڕان و ئازاری گەددە بێت.
• بۆ هەموو کەسێک گونجاو نییە، بە تایبەتی ژنانی دووگیان و ئەو کەسانەی نەخۆشیی درێژخایەنیان هەیە، پێویستە لە ژێر ڕێنمایی پزیشکی پسپۆڕ بەکاریبهێنن.
شیلاجیت ماددەیەکی سروشتییە و لە چیا سەختەکاندا دەدۆزرێتەوە بە تایەبەت چیاکانی هیمالایە و تاوەکو ئێستا بەڵگەی زانستیی بەهێز نییە لەسەر سوود و زیانەکانی بۆیە باشترە بەکارهێنانی بەشێوازێکی سنوورداربێت.
