پارێزگاری هەولێر ڕایدەگەیەنێت، گرانبوونی نرخی بەنزین تەنیا لە هەولێر نییە، زۆرێک لە شوێنەکانی گرتووەتەوە.
ئومێد خۆشناو، پارێزگاری هەولێر لە کۆنفڕانسێکی ڕۆژنامەوانیدا ڕایگەیاند، گرانبوونی نرخی بەنزین تەنیا تایبەت نییە بە هەولێر، بەڵکو لە هەموو هەرێمی کوردستان و عێراق نرخی بەنزین گران بووە، ڕووداوەکانی ڕابردوو هۆکارن بۆ کەمیی بەرهەمهێنانی بەنزین، هەروەها زۆرێک لە کۆمپانیا نەوتییەکان لە عێراق تووشی زیان بوونەتەوە.
وتیشی، بەردەوام لەگەڵ وەزارەتی سامانە سروشتییەکانی هەرێمی کوردستان لە گفتوگۆداین، تاوەکو نرخی سوتەمەنی لە هەرێمی کوردستان ئاسایی ببێتەوە.
