وەزارەتی ناوخۆی عێراق لە بارەی سەرپێچیکردنی ئەو ئۆتۆمبێلانەی خاوەنی تابلۆی هەرێمن لە شارەکانی عێراق دەڵێت، “سەرپێچییەکان بەرزدەکرێنەوە بۆ هاتوچۆی هەرێم بۆ سزادانیان”.
لە راگەیەندراوێکدا وەزارەتی ناوخۆی عێراق ئاماژە بەوە دەکات، “عەبدولئەمیر شەمەری، وەزیری ناوخۆ کۆبوونەوەیەکی لەگەڵ بەڕێوەبەرایەتیی گشتیی هاتوچۆ ئەنجامدا و چەند بڕیارێکیان دەرکرد”.
ئەو وەزارەتە دەشڵێت، “لە کۆبوونەوەکەدا بەڕێوەبەرایەتیی گشتیی هاتوچۆ راسپێردرا کە ئەو سەرپێچیانەی لەلایەن ئەو ئۆتۆمبێلانەی خاوەنی تابلۆی هەرێمن لە شارەکاندا ئەنجامدراوە بەرزبکرێنەوە بۆ هاتوچۆی هەرێم بەمەستی سزادانیان”.
