بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە ئەحمەد داودئۆغڵو، سەرۆکوەزیرانی پێشووتری تورکیا و سەرۆکی پارتی ئایندە کرد.
لە کۆبوونەوەکەدا کە قوباد تاڵەبانی، جێگری سەرۆکوەزیرانی هەرێمی کوردستان ئامادەیبوو، دۆخی ناوچەکە و گرژییەکان تاوتوێکران و جەخت لە گرنگیی گفتوگۆ و لێکتێگەیشتن کرایەوە.
لە کۆبوونەوەکەدا تاوتوێی گەشەپێدانی پەیوەندییەکانی پارێزگای سلێمانی و تورکیا کرا، پێکهێنانی کابینەی نوێی حکومەتی هەرێمی کوردستان و کۆسپەکانی بەردەمی خرایەبەر باس، هەروەها پرسی پێکهێنانی حکومەتی نوێی عیراقیش گفتوگۆی لەبارەوە کرا.
سەرۆک بافڵ و ئەحمەد داودئۆغڵو جارێکی دیکە پاڵپشتی خۆیان بۆ پرۆسەی ئاشتی دووپاتکردەوە.
