قوباد تاڵەبانی، جێگری سەرۆکوەزیرانی هەرێمی کوردستان لەگەڵ بلێندی گۆنشجا، وەزیری گەشتوگوزار و ڕۆشنبیری و وەرزشی ئەلبانیا کۆبووەوە.
لە کۆبوونەوەکەدا باس لە گرنگیی دروستکردنی پەیوەندییەکی بەهێز لەنێوان هەردوو وڵات کرا لە بوارەکانی گەشتوگوزار، پاراستنی شوێنەوارە کولتوورییەکان و گواستنەوەی ئەزموون و پسۆڕییەکان.
قوباد تاڵەبانی بەمەبەستی پتەوکردنی پەیوەندییەکان و گواستنەوەی ئەزموون بە ڕەسمی بانگهێشتی وەزیری گەشتوگوزار و ڕۆشنبیری و وەرزشی ئەلبانیای کرد بۆ سەردانیکردنی هەرێمی کوردستان.
