درەنگانی شەوی ڕابردوو، هەواڵی هێرشکردنە سەر ژمارەیەک گەنجی گەشتیاری دووزخورماتوو لەسنووری خۆرنەوەزان ناحیەی داوێ بڵاوکرایەوە، بەڵام سەرجەمیان سەلامەتن و ڕادەستی کەسوکاریان کراونەتەوە.
بەگوێرەی زانیارییەکانی تۆڕی میدیایی ئێستا، پاش گەیشتنی ھێزەکانی کۆماندۆی کوردستان و ئاسایش و ئۆپەراسیۆن بۆ سەیرانگەی خۆرنەوەزان، دەرکەوتووە تەواوی گەنجەکان سەلامەتن و هەواڵی هێرشکردنە سەریان دوور بووە لەڕاستیەوە و خەویان لێکەوتبوو.
شەوی ڕابردوو لە ڕێگەی هەژماری فەیسبووکی ساختەوە نامە بۆ کەسوکاری یەکێک لەو گەنجانە نێردراوە، کە گوایە توشی هێرشی چـ.ـەکداریی نەناسراوبوون و دوو گەنج کە برای یەکترن کـ.ـوژران و یەکێکی دیکەیان بـ.ـرینداربووە، بەڵام بەهۆی نەبوونی هێڵی پەیوەندی، کەسوکاری ئەو گەنجانە نەیانتوانیوە پەیوەندیی بە گەنجەکانەوە بکەن و ئەوانیش بەهەمانشێوە نەیانتوانیوە هەواڵ بدەنە خێزانەکانیان کە سەلامەتن دەنگۆی هێرشکردنەسەریان بڵاوکراوەتەوە.
لە ئێستادا سەرجەمیان بە سەلامەتی لە لایەن هێزەئەمنییەکانەوە ڕادەستی کەسوکاریان کراونەتەوە.
