سەرۆکی ڕوسیا لە لێدوانێکی فەرمیدا بە توندی ئەو دەنگۆ و تۆمەتانەی ڕەتکردەوە کە باس لە ناردنی چەک و کەرەستەی سەربازیی وڵاتەکەی دەکەن بۆ تاران.
ڤڵادیمێر پوتن سەرۆکی ڕوسیا، ڕایگەیاند، ئەوان هیچ جۆرە چەکێکیان بە ئێران نەداوە.
ئەم ڕوونکردنەوەیەی سەرۆکی ڕوسیا لە کاتێکدایە کە لەسەر ئاستی نێودەوڵەتی و بەتایبەت لەلایەن وڵاتانی ڕۆژئاواوە چاودێرییەکی وردی پەیوەندییە سەربازی و ستراتیژییەکانی نێوان مۆسکۆ و تاران دەکرێت و هەمیشە گومان لەسەر ئاڵوگۆڕی تەکنەلۆجیای سەربازی لە نێوانیاندا هەیە، بەڵام پوتن بەم لێدوانە بێدەنگیی شکاند و بە شێوەیەکی بڕاوە هاوکارییە چەکدارییەکانی لەم قۆناغەدا ڕەتکردەوە.
