بەڕێوەبەرى گشتیی ئەوقاف و کاروبارى ئایینیی سلێمانى ئاشکرایدەکات، تاوەکو 10ی ئەم مانگە سەرجەم حاجییەکانی سنووری پارێزگای سلێمانی دەگەڕێنەوە.
هاوژین ڕەئوف حەسەن، بەڕێوەبەرى گشتیی ئەوقاف و کاروبارى ئایینیی سلێمانى، لە لێدوانێکدا ئاشکرایکرد، دوو هەزار و 78 حاجی لە سنووری پارێزگای سلێمانی بەشداریی فەریزەی حەجی ئەمساڵیان کردووە و تاوەکو 10ی حوزەیرانی 2026، سەرجەمیان دەگەڕێنەوە هەرێمی کوردستان.
ئاماژەی بەوەشکرد، لە فەریزەی حەجی ئەمساڵ، هیچ حاجییەکی سنووری پارێزگای سلێمانی گـ.ـیانی لەدەستنەداوە و هەموویان تەندروستییان باشە.
