سەرۆکایەتیی شارەوانیی سلێمانی ڕایدەگەیەنێت، ئەمڕۆش بەردەوامبوون لە کاری چاکسازیی شەقامەکانی شارەکە.
سەرۆکایەتیی شارەوانیی سلێمانی لە ڕاگەیەندراوێکدا بڵاویکردەوە، لەپێناو خزمەتکردنی زیاتری ژێرخانی گشتیی شاری سلێمانی و ئاسانکاریی بۆ هاتوچۆی هاوڵاتییان و شۆفێران، تیمەکانمان لە سەرۆکایەتیی شارەوانیی سلێمانی، ئەمڕۆ چوارشەممە بەردەوامبوون لە ئەنجامدانی کاری چاکسازیی شەقامەکان.
ڕاشیگەیاند، لەو چوارچێوەیەدا، پڕۆسەی قیرتاوکردن و نۆژەنکردنەوەی بەشێکی گرنگ لە تۆڕی ڕێگەوبانی شارەکە بە سەرکەوتوویی ئەنجامدرا، کە پێکهاتبوو لە قیرتاوکردنی شەقامی سەرەکیی چوارڕیانی سەرچنار بە ئاراستەی ناوچەی پیشەسازیی یەک.
ئاماژەی بەوەشکرد، ئەم چاکسازییە بەشێکە لە هەڵمەتە بەردەوامەکانی سەرۆکایەتیی شارەوانیمان بۆ نوێکردنەوەی شەقامە سەرەکی و لاوەکییەکان، بە ئامانجی کەمکردنەوەی لۆدی سەر شەقامەکان و پێشکەشکردنی شایستەترین خزمەتگوزاری بە هاوشاریانمان.
