هەفتەی داهاتوو مووچەی مامۆستایانی گرێبەست دابەشدەکرێت، نوێنەری ئەو مامۆستایانەش دەڵێت، داوامان لە وەزارەتی دارایی کردووە چیتر مووچەکانمان دوانەکەوێت.
عەلی ڕەئوف، نوێنەری گشتیی مامۆستایانی گرێبەست بە تۆڕی میدیایی ئێستای ڕاگەیاند، “سەرچاوەیەک لە وەزارەتی دارایی هەرێمی کوردستان پێی ڕاگەیاندم، هەفتەی داهاتوو مووچەی مانگی پێنجی مامۆستایانی گرێبەست دابەشدەکرێت.”
ئاماژەی بەوەشدا، “داوامان لە وەزارەت کرد چیتر لەوە زیاتر مووچەی مامۆستایانی گرێبەست دوانەخرێت.”
عەلی ڕەئوف وتیشی، مامۆستایانی گرێبەستی وەزارەتی پەروەردە و خوێندنی باڵاو توێژینەوەی زانستی دابەشدەکرێت.
