وەزیری پێشمەرگەی هەرێمی کوردستان پەیامێکی لەبارەی گیانلەدەستدانی دوو سەربازی ئەمریکا و بەریتانیا لە هەولێر، بڵاوکردەوە.
شۆڕش ئیسماعیل، وەزیری پێشمەرگە لە پەیامەکەدا نووسیویەتی، “دڵگرانین بە گیانلەدەستدانی دوو سەربازی ویلایەتە یەکگرتووەکانی ئەمریکا و شانشینی یەکگرتوو (بەریتانیا)، کە لە کاتی ڕاپەڕاندنی ئەرکێکی مەشق و ڕاهێنان لە شاری هەولێر، گیانیان لەدەستدا”.
ئاماژەی بەوەشکرد، بە ناوی وەزارەتی پێشمەرگە و هێزی پێشمەرگەی کوردستانەوە، سەرەخۆشی و هاوسۆزیی قووڵی خۆمان ئاراستەی خێزان، کەسوکار و هاوڕێیانی ئەو دوو سەربازە دەکەین، خۆمان بە هاوبەشی خەم و پەژارەیان دەزانین و هیوای ئارامی بۆ هەمووان دەخوازین.
