وەزیری دارایی و ئابوریی هەرێمی کوردستان، ڕایگەیاند، ڕەنگە سەرەتای هەفتەی داهاتوو مووچەی مامۆستایانی گرێبەست دابەشبکرێت.
ئاوات شێخ جەناب، وەزیری دارایی و ئابوریی هەرێمی کوردستان، ڕایگەیاند، سەرقاڵی دابینکردنی مووچەی مامۆستایانی گرێبەستین، ڕەنگە سەرەتای هەفتەی داهاتوو دابەشبکرێت.
ئەوە لەکاتێکدایە پێش جەژنی قوربان، مووچەی مانگی ئایاری فەرمانبەر و مووچەخۆرانی هەرێمی کوردستان دابەشکرا، بەڵام تاوەکو ئێستا مووچەی مامۆستایانی گرێبەست دابەش نەکراوە.
