بەگوێرەی ئەو خشتەیەی لەلایەن وەزارەتی داراییەوە بڵاوکراوەتەوە، ئەمڕۆ کۆتایی بە دابەشكردنی مووچەی مانگی ئایار دێت.
ئەمڕۆ پێنجشەممە، مووچەی وەزارەتی پێشمەرگە (دیوان و لیواکان)، فەرماندەیی دەڤەری 1 و دەڤەری 2، بەڕێوەبەرایەتیی پۆلیسی دامودەزگا نەوتییەکان و ئەنجومەنی ئاسایش و دەزگای ئاسایشی هەرێمی کوردستان مووچەی مانگی ئایار وەردەگرن.
بەگوێرەی وەزارەتی دارایی هەرێمی کوردستان، فەرمانبەرانی ئەو وەزارەتانە دەتوانن لە کاتژمێر 10ـی بەیانییەوە، سەردانی بانکەکان بکەن بۆ وەرگرتنی مووچەی مانگی ئایار.
