زیاتر لە دوو هەزار فەرمانبەر ناویان بۆ وەرگرتنی زەوی بڵاوکراوەتەوە و ئەمڕۆ قۆناغی یەکەمی دابەشکردنی ئەو زەوییانە دەستپێدەکات.
ڕەئوف ڕەشید، سەرۆکی شارەوانیی پێنجوێن ڕایگەیاند، بە بڕیاری قوباد تاڵەبانی، جێگری سەرۆکوەزیران و ساسان عەونی، وەزیری شارەوانی و گەشتوگوزار پڕۆسەی دابەشکردنی زەوی بەسەر فەرمانبەرانی سنووری شارەوانیی پێنجوێن دەستیپێکرد.
وتیشی، دوو هەزار فەرمانبەر سوودمەند دەبن لە وەرگرتنی زەوییەکان و بە چەند قۆناغێک وەریدەگرن، ئەمڕۆ و لە قۆناغی یەکەمدا، 380 پارچەزەوی بە شێوازی تیروپشک بەسەر فەرمانبەرەکاندا دابەشدەکرێت.
