سەرۆکی یانەی هەولێر ڕایدەگەیەنێت، بەهۆی بێهەڵوێستیی بەرپرسانی شار بەرامبەر ئەو ناپاکییەی لە من و یانەی هەولێر کرا، دەست لەکار دەکێشمەوە.
سەفین یاسین، سەرۆکی یانەی هەولێر ڕایگەیاند، دوای تەواوبوونی هەڵبژاردنی یەکێتیی تۆپی پێی عێراق، دەست لە پۆستی سەرۆکایەتیی یانەی هەولێر دەکشێمەوە بەهۆی ئەو ناپاکییە، کە بەرامبەر من، یانەی هەولێر و حکومەتی هەرێمی کوردستان کرا.
وتیشی، بە پیلانگێڕی لە مافی دەنگدان لەم هەڵبژاردنەدا بێبەشبووم و داواکارم لێکۆڵینەوە لەسەر ئەم بابەتە بکرێت.
ئەمە دوای ئەوە دێت، ناوبراو مافی دەنگدانی بۆ هەڵبژاردنەکانی یەکێتیی تۆپی پێی عێراق لێوەرگیرا و سکاڵای تۆمارکرد، ئەو پێیوایە لەناو یانەکەیدا دژایەتیی دەکرێت.
