ڕۆژنامەی نیویۆرک تایمز ئاشکرایدەکات، دۆناڵد ترەمپ هێشتا سەبارەت بە هەنگاوەکانی داهاتوو بەرامبەر بە ئـ.ـێران بڕیاری کۆتایی نەداوە، لە ئەگەری بڕیاردان بژاردەکان بریتین لە هێرشێکی چڕ بۆ سەر ئەو وڵاتە.
ڕۆژنامەی نیویۆرک تایمزی ئەمریکی لە زاری کۆمەڵێک سەرچاوە بڵاویکردەوە، هاوکارەکانی دۆناڵد ترەمپ سەرقاڵی ئامادەکردنی پلانی سەربازین بۆ هێرشکردنەوە سەر ئێـ.ـران، هێرشەکە ئەو کاتە دەستپێدەکات کە گفتوگۆکان بگەنە بنبەست.
ئاماژەی بەوەشکردووە، دۆناڵد ترەمپ هێشتا سەبارەت بە هەنگاوەکانی داهاتوو بەرامبەر بە ئـ.ـێران بڕیاری کۆتایی نەداوە، لە ئەگەری بڕیاردان بژاردەکان بریتین لە هێرشێکی چڕ کە خۆی دەبینێتەوە لە بۆمبارانکردن، بە ئامانجگرتنی پێگە سەربازییەکان و ژێرخانی وزەی ئەو وڵاتە.
ئەوەشی خستووەتەڕوو، ڕەنگە ئەمریکا بۆ داگیرکردن و کۆنتڕۆڵکردنی دوورگەی خارگ، کۆمەڵێک هێزی تایبەت بەکاربهێنێت.
