بافڵ جەلال تاڵەبانی، ڕایگەیاند، زمانی کوردی قەڵای پارێزەری ناسنامەمانە.
بافڵ جەلال تاڵەبانی، سەرۆکی یەکێتیی نیشتمانیی کوردستان، ڕایگەیاند، لە ڕۆژی زمانی کوردیدا، ئەم زمانە شیرینە بەرز و پیرۆز ڕادەگرین کە قەڵای پارێزەری ناسنامەمانە، زمانی کوردی بۆ ئێمە تەنیا ئامرازی ئاخاوتن نییە، بەڵکو مێژووی خۆڕاگری و ناسنامەی بوونمانە.
دەشڵێت، هەرێمی کوردستان هەمیشە بە فرەزمانی و فرەکەلتووریی پێکهاتەکانی دەوڵەمەند بووە، پاراستنی زمانی کوردی و ڕێزگرتن لە زمانی هەموو ئەو پێکهاتە ڕەسەنانەی لەم نیشتمانەدا پێکەوە دەژین، نیشانەی باڵای شارستانییەت و بنەمایەکی سەرەکیی دەوڵەتدارییە.
بافڵ جەلال تاڵەبانی، ئەوەش دەڵێت، “ئێمە لە یەکێتیی نیشتمانیی کوردستان لەسەر رێبازەکەی سەرۆک مام جەلال، جەخت لە پاراستنی ڕەسەنایەتیی زمانی کوردی و پەرەپێدانی لە ناوەندەکانی خوێندن و دامەزراوە فەرمییەکاندا دەکەینەوە”.
