بەڕێوەبەری بەڕێوەبەرایەتیی بازرگانی و کەلوپەلی خۆراک زانیاری لەبارەی کەمکردنەوەی پارەی بەشەخۆراک و وادەی دابەشکردنی سەبەتەی سێیەمی خۆراک دەخاتەڕوو.
کامەران فەتاح، بەڕێوەبەری بەڕێوەبەرایەتیی بازرگانی و کەلوپەلی خۆراک لە سلێمانی بە تۆڕی میدیایی ئێستای ڕاگەیاند، لە ماوەی پێشوودا بۆ بەشەخۆراکی مانگانە بڕی هەزار و 214 دینارمان لە بریکارەکانی خۆراک وەردەگرت، ئەوانیش هەزار و 500 بۆ هەزار و 750 دیناریان لە هاوڵاتییان وەردەگرت، بەڵام ئێستا هەزار و 109 دینار لە بریکارەکان وەردەگرین، لەبەرئەوە ئێستا نابێت لە هەزار و 500 دینار زیاتر لە هاوڵاتییان وەربگرن.
لەبارەی دابەشکردنی سەبەتەی سێیەمی خۆراک، کامەران فەتاح ڕایگەیاند، ئەگەر سبەینێ فریانەکەوتین، بە دڵنیاییەوە لە ڕۆژی شەممە یان یەکشەممەی داهاتوو دەستپێدەکەین و سەرجەم ماددە سەرەکییەکانی بەشەخۆراک بەردەستن.
