سەرۆکایەتیی شارەوانیی سلێمانی ڕایگەیاند، بەمەبەستی پێشکەشکردنی باشترین خزمەتگوزاریی بە هاوڵاتییان، ئەمڕۆ تیمەکانیان دەستیانکرد بە کاری قیرتاوکردنی قۆناغی یەکەمی شەقامی ڕۆشتن لە کۆتایی گەڕەکی تاڤگە بە ئاڕاستەی فولکەی هەواری شار.
ئاماژەی بەوەشدا، “بەڵێن بە هاوڵاتییان دەدەین کە پڕۆژەکانی چاکسازییکردنی شەقامەکان بەبێ وەستان بەردەوام دەبێت، تاوەکو تەواوکردنی سەرجەم قۆناغەکان.”
شارەوانیی سلێمانی، تیمەکانمان شەو و ڕۆژ دەخەنە سەر یەک بۆ ئەوەی لە کەمترین ماوەدا بە بەرزترین کوالێتی، ئەو شەقامانەی زیانیان بەرکەوتووە، چاکبکرێن و بخرێنە خزمەت هاتوچۆی شۆفێرانەوە.
