کەشناسیی هەرێمی کوردستان، ڕایگەیاند، سبەینێ هەینی ئاسمان ساماڵ دەبێت و پلەی گەرما بەرزدەبێتەوە.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان، ڕایگەیاند، ئەمڕۆ پێنجشەممە ئاسمان ساماڵ دەبێت لەگەڵ بوونی هەندێک پەڵەهەوری جیاجیا، پلەی گەرما بەراورد بە تۆمارکراوەکانی دوێنێ بە نزیکی 1 بۆ 2 پلە بەرزتر دەبێت.
ئاماژە بەوەشدەکات، سبەینێ هەینی ئاسمان بە گشتی ساماڵ و پەڵەهەور دەبێت، خێرایى با لەسەرخۆ – مامناوەند دەبێت، پلەی گەرما بەراورد بە پلەکانی ئەمڕۆ کەمێک بەرزدەبێتەوە.
