د. هودا محێدین، پسپۆڕی نەخۆشییەکانی ژنان و منداڵبوون ڕایگەیاند، سووڕی مانگانە ئاساییە ئەگەر هەر 21 ڕۆژ بۆ 35 ڕۆژ جارێک بێت واتە مەرج نییە کە هەر 25 ڕۆژ جارێک یان 30 ڕۆژ جارێک سووڕەکە نەهات، ئەوا واتای ئەوەیە کە “ئاسایی نییە “.
وتیشی، ماوەی ئاسایی مانەوە لە سووڕی مانگانەدا بۆ خانمان بریتییە لە 3-7 ڕۆژ و زۆربەی خانمان بۆ ماوەی 5 ڕۆژ لەناو سووڕەکەدان، بۆ بڕی خوێنەکە 30-80 مل ئاساییە، واتە بەکارهێنانی 4-7 سانتی لەماوەی 24 کاژمێردا ئاساییە.
ئەوەشی خستەڕوو، ئەگەر سووڕی مانگانەی خانمەکە بۆ چەند مانگێک کەمتر لە 21 ڕۆژ بێت یان زیاتر لە 35 ڕۆژ بێت، یان چەند مانگێک تێپەڕێت و خانمەکە نەکەوێتە سووڕی مانگانەوە لەگەڵیشیدا بینینی خوێنی زۆر و چەند هۆکارێکی دیکە، پێویستە لەم کاتەدا خانمەکە سەردانی پزیشک بکات.
