وەزارەتی ناوخۆی هەرێمی کوردستان، ڕایگەیاند، سکاڵا لەسەر کەناڵ8 تۆماردەکەین.
وەزارەتی ناوخۆ ڕایگەیاند، لە چاوپێکەوتنێکی کەناڵ 8، بێژەر و کادیرێکی حیزبی، گفتوگۆ لەبارەی چـ.ـەکەکانی ئەمریکا دەکەن و کادیرەکە باس لەوە دەکات گوایە ئەو چـ.ـەکانە دراون بە وەزارەتی ناوخۆ و لە کۆگایەکی وەزارەت لە هەولێر دانراون، ئەم قسانە سەرلەبەری هەڵبەستراو و چەواشەکاریین و هیچ بنەمایەکیان نییە و دوورن لە ڕاستی.
دەشڵێت، دیارە ئەوانەی ئەو چـ.ـەکانەیان بردووە، هەموو هەوڵێک دەدەن بۆ شاردنەوەی ڕاستیی بابەتەکە و بە باسکردنی زیاتر و هەوڵدان بۆ بەلاڕێدابردنی ڕای گشتی، چەواشەکاریی زیاتر بڵاودەکەنەوە، بەڵام ڕۆژێک دێت لێپرسینەوەیان لەگەڵ بکرێت.
ئاماژە بەوەش دەکات، بۆیە وەزارەتی ناوخۆ، وەکو مافی خۆی، سکاڵای یاسایی لە سەر کەناڵەکە و میوانەکەی تۆمار دەکات و پێویستە لەبەردەم دادگا، بەڵگە بۆ ئەو چەواشەکارییانە پێشکەشبکەن، ئەگینا دەبێت باجی بڵاوکردنەوەی تۆمەتی هەڵبەستراو بدەن.
