کارۆخ سەید ڕزگار ڕایدەگەیەنێت، کادیرانی پارتی مافی خۆیانە ڕەخنە توند لە سەرۆکی حزبەکەیان بگرن، بۆ ئەوەی بزانن حزبەکەیان کوردییە، یان عەرەبی و تورکمانییە.
کارۆخ سەید ڕزگار، نووسەر و چاودێری سیاسی نووسیویەتی، پارتی بە ڕوونی دیارە کە تووشی نەخۆشیی دەروونی بووە، پارتی دژی دانانی سەرۆککۆماری عێراق وەستایەوە، کە لە پشکی کورد بوو، کەچی پیرۆزبایی لە سەرۆکوەزیرانی ڕاسپێردراوی عێراق دەکات، کە لە پشکی برایانی عەرەبە.
دەشڵێت، پارتی دژی پارێزگاری پێشووی کەرکوک بوو، کە لە پشکی کورد بوو، کەچی پیرۆزبایی لە پارێزگاری نوێی کەرکوک دەکات، کە لە پشکی برایانی تورکمانە، کادیر و لایەنگرانی پارتی مافی خۆیانە ڕەخنەی توند لەم سیاسەتەی ئێستای سەرۆک و ئەندامانی مەکتەبی سیاسیی پارتی بگرن، تاوەکو بزانن حزبەکەیان کوردییە، یان عەرەبی و تورکمانییە.
