عەلی حەمەساڵح، بڕیاردەری ڕەوتی هەڵوێست ڕایدەگەیەنێت، سەردانی شێروان شێروانیی کردووە و دۆخی تەندروستیی باش نییە.
عەلی حەمەساڵح و کاوە شێخ عەلی، لەبارەی سەردانەکەیان بۆ لای شێروان شێروانی بڵاویانکردەوە، ماوەی پێنج ساڵە ئەو ڕۆژنامەنووسە بە ناڕەوا لە زیندانە و سێ ساڵی دیکەش لە ماوەی سزاکەی ماوە.
ئاماژەیان بەوەشکردووە، شێروان شێروانی حەوت ڕۆژە مانی لە خواردن گرتووە و دۆخی تەندروستیی باش نییە.
بە وتەی عەلی حەمەساڵح و کاوە شێخ عەلی، شێروان شێروانی لە زیندانەوە داوایکردووە ئەو ماوەی زیندانیکردنەی کە ماوە، بۆی بگوازرێتەوە بۆ چاکسازیی سلێمانی و هاوکات مۆڵەتی سەردانیکردنی ماڵەوەی پێبدرێت بەپێی یاسا وەک زیندانییانی دیکە.
