پەیامنێری تۆڕی میدیایی ئێستا لە سەیدسادق ڕایگەیاند، بەرەبەیانی ئەمڕۆ ئاگر لەماڵی هاوڵاتییەک لە قەزای سەیدسادق بەردراوە و ئۆتۆمبێلێکی و بەشێک لەماڵەکەی سوتاوە.
ئاگرەکە زیانی مادی زۆری بە هاوڵاتییەکە گەیاندووە و ئۆتۆمبێلەکەی بەتەواوی سوتاوە و بەشێک لەماڵەکەشی بەهۆی ئاگرەکەوە زیانی پێگەیشتووە.
تۆڕی میدیایی ئێستا چەندجارێک پەیوەندیکرد بە خاوەنی ئەو ئۆتۆمبێل و ماڵەوە، بەڵام پەیوەندییەکە بەردەست نەبوو.
لە ئێستادا هێزە ئەمنییەکان لێکۆڵینەوەیان دەستپێکردووە و سەرقاڵی کۆکردنەوەی سەرەداو و بەڵگەکانن لە شوێنی ڕووداوەکە.
