سندوقی دراوی نێودەوڵەتی لە ڕاپۆرتێکدا هۆشداریی لە پاشەکشەی گەورەی ئابوریی عێراق دەدات.
لە ڕاپۆرتێکی سندوقی دراوی نێودەوڵەتیدا هاتووە، بەهۆی دۆخی ناوچەکە و پشبەستنی زۆری بە داهاتی نەوت، ئابوریی عێراق لە ئەمساڵدا تووشی کێشەی جددی بووەتەوە.
ئەوەشی خستەڕوو، لە مانگی ئازار، هەناردەی نەوتی عێراق بەشێوەیەکی بەرچاو کەمیکردووە و پێنج ملیار دۆلاری لەدەستداوە، ئەمەش زنجیرەیەک کێشەی بەدوادێت، لەوانە، فشارخستنە سەر داهاتی گشتی، بەرزبوونەوەی تێچووی گواستنەوە و هاوردەکردن، لەگەڵ زیادبوونی ڕێژەی هەڵئاوسان.
ئاماژەی بەوەشکردووە، پێویستە عێراق لە ڕێگەی هەمەچەشنکردنی سەرچاوەی داهات و باشترکردنی سیستمی دەروازەکان، توانا ئابورییەکانی ببوژێنێتەوە.
