بافڵ جەلال تاڵەبانی، سەرۆکی یەکێتیی نیشتمانیی کوردستان پرسەنامەیەکی لەبارەی ڕووداوە سەختەکەی ئێوارەی ئەمڕۆی کەرکوک بڵاوکردەوە.
دەقی پەیامەکەی:
ڕووداوەکەی ئەم ئێوارەیەی کەرکوک هەموومانی بە قووڵی نیگەران کرد، دڵمان لای کەسوکاری قوربانییان و ئازیزانمانە لە کەرکوکی خۆشەویست.
هەڤاڵانمان لە کەرکوک ڕاسپاردووە، لە خزمەتی کەسوکاری قوربانییاندا بن و ئەوەی پێویستیان بێت، بۆیان بکەن و هاوکاریان بن.
پرسە و هاوخەمیی خۆمانیان پێ ڕادەگەیەنم و هاوبەشی خەمیانین، هیوای زوو چاکبوونەوەش بۆ بریندارەکان دەخوازین.
لە خوای گەورە داواکارین، گیانی کۆچکردووەکان بە بەهەشتی بەرین شادبکات و سەبووری و ئارامی بە هەموو لایەکمان ببەخشێت.
بافڵ جەلال تاڵەبانی
سەرۆکی یەکێتیی نیشتمانیی کوردستان
