عومەر عەبدوڵا، سەرپەرشتیاری لیژنەی دابەشکردنی غاز لە قائیمقامیەتی سلێمانی بە تۆڕی میدیایی ئێستای ڕاگەیاند، دابەشكردنی غاز لە شاری سلێمانی ئاسایی بووەتەوە و هەموو گەڕەکەکان غازیان پێدەگات.
وتیشی، تەواوی کارگەکانمان لە کارکردن بەردەوامن، ڕۆژانی شەممە 30 بۆ 35 هەزار بتڵ غاز دابەشدەکرێت، ڕۆژانی دیکەش بڕی 17 هەزار دابەشدەکەین.
هاوکات ئەوەشی خستەڕوو، هەموو مانگێک هاوڵاتییان بتڵێک غاز وەردەگرن و لە سەری مانگەوە دەست بە دابەشکردنی وەجبەی دووەمی غاز دەکەین لە ڕێگەی فۆڕمـی خۆراکەوە.
عومەر عەبدوڵا ڕاشیگەیاند، دابەشکردنی غاز بەشێوەی فۆڕمی خۆراک بەردەوامدەبێت، چونکە هاوڵاتیی لە بریکاری غاز جیادەکاتەوە و لەبەرژەوەندیی هاوڵاتییانە.
