وتەبێژی وەزارەتی دەرەوەی ئێران ڕایدەگەیەنێت، وڵاتەکە هێشتا بڕیاری بەشداریکردنی لە خولی نوێی دانوستانەکان لەگەڵ ئەمریکا، نەداوە.
ئیسماعیل بەقائی، وتەبێژی وەزارەتی دەرەوەی ئێران ڕایگەیاند، بە نیازپاکی و بە جددی چووینە ناو گفتوگۆکانەوە، بەڵام لایەنی بەرامبەر بێباکیی نیشاندا.
ئەمڕۆ کۆتا ڕۆژی ئاگربەستە دوو هەفتەییەکەی ئەمریکا و ئێرانە کە بە نێوەندگیریی پاکستان ئەنجامدرا؛ شەوی ڕابردوو دۆناڵد ترەمپ، سەرۆکی ئەمریکا ڕایگەیاند، ئاگربەست بۆ ماوەیەکی دیکە درێژکراوەتەوە.
سەرەڕای ئەم قسەیەی ترەمپ، تاوەکو ئێستا ئێران ئامادەیی بۆ بەشداریکردن لە دانوستان دەرنەبڕیوە، کە بڕیارە ئەمڕۆ لە ئیسلام ئاباد بەڕێوەبچێت.
