بافڵ جەلال تاڵەبانی، سەرۆکی یەکێتیی نیشتمانیی کوردستان پەیامێکی بەبۆنەی یادی 128 ساڵەی ڕۆژنامەگەریی کوردی، بڵاوکردەوە.
بافڵ جەلال تاڵەبانی لە پەیامەکەیدا نووسیویەتی:
بەبۆنەی تێپەڕبوونی 128 ساڵ بەسەر دەرچوونی ڕۆژنامەی کوردستان، گەرمترین پیرۆزبایی ئاڕاستەی رۆژنامەنووسان دەکەین.
جەخت لە ئازادیی ڕادەربڕین و پاراستنی شکۆی ڕۆژنامەنووسان دەکەینەوە و فەراهەمکردنی ژینگەیەکی لەباری کارکردن بۆ ئەو قەڵەمانەی بە بەرپرسیارێتی و ڕاستگۆییەوە کاردەکەن، بە ئەرکی لەپێشینەی خۆمان دەزانین.
یەکێتیی نیشتمانیی کوردستان بە شانازییەوە میراتگری ڕێبازی سەرۆک مام جەلالە کە داکۆکیکارێکی سەرسەختی ڕۆژنامەوانیی ئازاد بووە، بۆیە لای ئێمە، پاراستنی ئەو ئازادییە وەفادارییە بۆ ئەو ڕێبازەی کە لەسەری دەڕۆین.
لەم ڕۆژەدا، بە ڕێزەوە لە ماندوبوون و شەونخونیی هەموو ئەو ڕۆژنامەنووسانە دەڕوانین کە لە چوارچێوەی بنەما چەسپاوەکانی پیشەکەیان کارەکانیان بە ئەمانەتەوە ڕایی دەکەن.
