بەڕێوەبەرایەتیی کەشناسیی سلێمانی ئاشکرایدەکات، تاوەبارانی بەخوڕ ئەمڕۆ و سبەینێش لە ناوچە جیاجیاکانی هەرێمی کوردستان بەردەوامدەبێت.
بەڕێوەبەرایەتیی کەشناسی و بومەلەرزەزانیی سلێمانی بڵاویکردەوە، ئەمڕۆ دووشەممە، بەهۆی بەردەوامی ناسەقامگیریی کەش، ئاسمان هەور دەبێت، لەگەڵ ڕوودانی تاوەباران و بروسکە لە زۆربەی ناوچەکاندا، هەندێک کات پێشبینی لێزمەباران و تەرزە دەکرێت، بۆ کاتەکانی شەو کاریگەریی دابارین لاواز دەبێت .
ئەوەشی خستەڕوو، سبەی سێشەممە، ئاسمان نیمچەهەور دەبێت، لە ناوچە شاخاوییەکان بەتایبەتی سنووریەکان هەوری تەواو دەبێت، لە کاتەکانی بەیانی تاکو پاشنیوەڕۆ ئەگەری تاوەباران و بروسکە لاوازی لابەلا هەیە لە ناوچە جیاجیاکانی هەرێم ی کوردستان.
