شارەزایەکی کەشناسی، ڕایگەیاند، لە سلێمانی تەرزە و تاوەبارانی بەخووڕ دەبارێن.
پشتیوان پێنجوێنی، شارەزای کەشناسی، بە تۆڕی میدیایی ئێستای ڕاگەیاند، بەگوێرەی پێشبینییەکان ئەمڕۆ لە نیوەڕۆ بۆ ئێوارە لە شاری سلێمانی بە شێوازی پچڕپچڕ باران دەبارێت.
وتیشی، “ئەگەرێکی بەهێزە تاوەبارانی بەخووڕ ببارێت لەگەڵ ڕوودانی هەورەگرمە و هەورەبروسکەی بەهێز، هەروەها تەرزە بارینیشمان دەبێت”.
