بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغداد پێشوازی لە محەمەد سەمعان ئاغا، سەرۆکی بەرەی تورکمانی عێراقی کرد.
لە دیدارێکدا کە د. خالید شوانی، وەزیری دادی عێراق ئامادەبوو، هەڵسەنگاندن بۆ دۆخی ناوچەکە و عێراق کرا و جەخت لە دوورخستنەوەی وڵات لە ململانێکان کرایەوە.
هەردوولا دووپاتیان لە تەواوکردنی ڕێکارە دەستوورییەکان و پێکهێنانی حکومەتێکی نیشتمانیی خزمەتگوزار کردەوە کە ببێتە مایەی خۆشگوزەرانی و ئارامیی زیاتر بۆ هاوڵاتییان.
