د. لەتیف ڕەشید، ڕایگەیاند، گەرمترین پیرۆزبایی لە نزار ئامێدی دەکەم.
د. لەتیف ڕەشید، لە پەیامێکیدا بۆ نزار ئامێدی، سەرۆککۆماری نوێی عێراق، ڕایگەیاند، “گەرمترین پیرۆزبایی خۆم ئاراستەی کاک نزار ئامیدی دەکەم بە بۆنەی هەڵبژاردنی وەک سەرۆککۆمار، هیوای سەرکەوتنی بەردەوامی بۆ دەخوازم لە بەجێگەیاندنی ئەو بەرپرسیارێتییە گەورە و نیشتمانییە”.
وتیشی، ئێمە پشت بە گرنگیی پتەوکردنی پێشکەوتنی دەوڵەت و چەسپاندنی بناغەکانی سیستەمی دیموکراسی دەبەستین، بە شێوەیەک کە خواستەکانی هاوڵاتییان بۆ ئاسایش و سەقامگیری و خۆشگوزەرانی بگونجێت و گیانی پێکەوەژیان لەنێوان هەموو چین و توێژەکانی دانیشتووان بەرزبکاتەوە.
ئاماژەی بەوەش کرد، جەخت لەسەر گرنگیی هەوڵی هاوبەش و کاری یەک تیمی دەکەینەوە بۆ ڕووبەڕووبوونەوەی ئاستەنگەکانی ئێستا، هەنگاونان بەرەو پێشەوە لەسەر ڕێگای چاکسازی و گەشەپێدان، و بنیاتنانی دامەزراوەی بەهێز کە توانای جێبەجێکردنی خواستەکانی نەوەکانی داهاتوویان هەبێت.
