ئاراس جەبار، شارەزای بواری کەشناسی ڕایگەیاند، ئەمڕۆ هەینی لە کاتەکانی پاشنیوەڕۆوە لە کات و شوێنی جیاوازدا ئەگەری دروستبوونی هەورەبروسکە و تاوەبارانی بەخوڕ هەیە، ئەم ناجێگیرییە تا بەرەبەیانیی سبەینێ بەردەوامدەبێت.
ئاماژەی بەوەشکرد، ڕۆژی یەکشەممە، لە ئەنجامی بەردەوامی کاریگەریی بارستەهەوای سارد لە بەرگەهەوای ناوچەکە، ناجێگیریی لە کەشوهەوادا دەستپێدەکاتەوە و تا کۆتایی ئەم هەفتەیە بەردەوامدەبێت، بەتایبەت لە کات و شوێنی جیاجیا و کورتخایەندا، ئەگەری ڕوودانی هەورەبروسکە و تاوەبارانی کورتخایەن دەبێت.
ئەوەشی خستەڕوو، ئەگەر هەیە لە شەممەی داهاتووەوە، بۆ ماوەی چەند ڕۆژێک کەشوهەوای ناوچەکە جێگیربوونێک بەخۆیەوە ببینێت، پاشان شەپۆلەکانی بارانبارین بۆ ناوچەکانمان دەستپێدەکاتەوە.
