جێگری سەرۆکوەزیرانی هەرێمی کوردستان، پەیامێکی لەبارەی بەئامانجگرتنی ماڵی سەرۆکی هەرێمی کوردستان لە دهۆک، بڵاوکردەوە.
قوباد تاڵەبانی، جێگری سەرۆکوەزیرانی هەرێمی کوردستان ڕایگەیاند، بەئامانجگرتنی ماڵی بەڕێز کاک نێچیرڤان بارزانی، سەرۆکی هەرێمی کوردستان لە دهۆک، پەرەسەندنێکی مەترسیدارە و زۆر بەتوندی ئیدانەی دەکەین.
ئاماژە بەوەشدەکات، بیری حکومەتی فیدراڵی دەخەینەوە، گرووپە چەکدارە لەیاسادەرچووەکان بوونەتە سەرچاوەی هەڕەشە بۆسەر سەقامگیری و ئاسایشی هەرێمی کوردستان و عێراق؛ هەربۆیە ئەگەر دەستبەجێ ئاژاوەگێڕەکان ڕانەگیرێن و ڕووبەڕووی سزا نەکرێنەوە، دڵنیام سبەی دەبنە هەڕەشەیەکی مەترسیدارتر بۆ سەر سەروماڵی بەرپرس و دامودەزگا ڕەسمییەکانی بەشەکانی دیکەی عێراق.
