قوباد تاڵەبانی، جێگری سەرۆکی حکومەتی هەرێمی کوردستان لەبارەی هێرشەکانی بەرەبەیانیی ئەمڕۆ بۆسەر خاڵێکی هێزەکانی پێشمەرگە لە سنووری سۆران کە تێیدا 6 پێشمەرگە شـ.ـەهید بوو، ڕایگەیاند،: “ئیدانەی ئەو هێرشە نایاساییانە دەکەین کە دەکرێتە سەر هەرێمی کوردستان، لە سەرەتای جەنگەکەوە وتوومانە، ئێمە وەک هەرێمی کوردستان بەشێك نین لەم جەنگە و بەدڵمان نەبووە.”
ئاماژەی بەوەشدا، “هەرێمی کوردستان بێلایەن بووە و لە داهاتووشدا بەو شێوەیە دەمێنێتەوە، هەوڵەکانیشمان خستووتەگەڕ بۆ هێورکردنەوەی دۆخەکە و دوورخستنەوەی هەرێمی کوردستان لە مەترسییەکان.”
