بەڕێوەبەرایەتیی پۆلیسی سلێمانی رایگەیاند، بەتۆمەتی دزینی ژمارەیەک مەڕوماڵات، مەفرەزەكانی نوسینگەی نەهێشتنی تاوانی سەیدسادق سێ تۆمەتباریان دەستگیركرد.
پۆلیسی سلێمانی لە راگەیەندراوێکدا دەڵێت، دوای ئەوەی هاوڵاتییەك سكاڵای تۆماركرد كە چەند سەرئاژەڵێكی لێدزراوە، مەفرەزەكانی نەهێشتنی تاوانی سەیدسادق لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر، توانرا تۆمەتباران بدۆزرێنەوە و دەستگیربكرێن.
دەشڵێت، تۆمەتباران دانیان بەوەداناوە كە ژمارەیەک سەرئاژەڵیان دزیوە و گۆشتەكەیان فرۆشتووەتەوە.
لە راگەیەندراوەکەی پۆلیسی سلێمانیدا ئەوەش هاتووە، لەئێستادا هەریەك لە تۆمەتباران (ژ ، أ ، م تەمەن 22 ساڵ – ه ، س، أ تەمەن 24 ساڵ – ب ، ب ، ر تەمەن 30 ساڵ) بە بڕیاری دادوەر و بەپێی ماددەی 443 لە یاسای سزادانی عێراقی راگیراون، لەكاتی دەستگیركردنیشیاندا، دەستگیراوە بەسەر بڕێك پارەدا كە بە تۆمەتباران بووە.
