بەڕێوەبەرایەتیی ئاودێریی گەرمیان لە ڕاگەیەندراوێکدا بڵاویکردەوە، بەهۆی ئەو ڕێژە زۆرەی بارانبارین کە ڕووی لەناوچەکە کردووە، ئاوی بەنداوی دەربەندیخان زیاتر بەردەدرێتەوە.
ئاماژەی بەوەشدا، بۆیە داوا لە هاوڵاتییان بەگشتی و گەشتیاران و خاوەن ئاژەڵ و دانیشتوانی گوندەکانی دەوروبەری ڕووباری سیروان دەکەین ئاگاداربن و خۆیان بەدووربگرن لەو شوێنانەی دەکەونە کەناری ڕووباری سیروانەوە بۆ ئەوەی نەکەونە مەترسییەوە.
