پشووەکانی جەژنەکانی نەورۆز و ڕەمەزان ڕاگەیەندرا

10 ڕۆژ پشوو بەبۆنەی هاتنەوەی جەژنەکانی نەورۆز و ڕەمەزان ڕاگەیەندرا.

حکومەتی هەرێمی کوردستان ڕایگەیاند، بەبۆنەی هاتنی جەژنەکانی ڕەمەزان و نەورۆز و بەپێی ڕۆژژمێری ڕەسمیی حکومەتی هەرێمی کوردستان، سبەی پێنجشەممە (19ی ئازاری 2026) تاکوو ڕۆژی یەکشەممە (29ی ئازاری 2026)، لە سەرجەم دامودەزگا ڕەسمییەکانی هەرێمی کوردستان پشووی ڕەسمیی دەبێت.

هاوکات ئاماژەی بەوەشدا، “لە فەرمانگە خزمەتگوزارییەکان، دەوام بەشێوەی ئێشکگری بەردەوامدەبێت.”