سەرۆککۆماری ئێران ڕایدەگەیەنێت، سەرەڕای جەنگ، هێشتا خزمەتگوزارییەکانی وڵاتەکەمان بەردەوامن؛ ئەو شتانەشی تیاچوون بونیادیان دەنێینەوە.
مەسعود پزیشکیان، سەرۆککۆماری ئێران لە تۆڕی کۆمەڵایەتیی ئێکس پەیامێکی بڵاوکردەوە و نووسیویەتی، دوای 15 ڕۆژ لە جەنگی سەپێندراو بەسەرماندا، نەمانهێشتووە خەڵک بێ خزمەتگوزاری ببن.
ئاماژەی بەوەشکرد، ئەم ڕەوشەی ئێستا، بە پاڵپشتیی گەلی ئێران تێدەپەڕێنن و ئەو شتانەشی لەناوبراون، باشتر لە جاران بونیادی دەنێنەوە.
