ئەندامی ئەنجومەنی نوێنەرانی عێراق ڕایدەگەیەنێت، دابەشکردنی مووچەی مانگی ئازار پێش جەژنی ڕەمەزان تەنیا دەنگۆیە.
مازن غەریب، ئەندامی ئەنجومەنی نوێنەرانی عێراق بە میدیای ڕەسمیی یەکێتی ڕاگەیاند، چەند هەواڵێک بڵاوبووەتەوە کە پێش جەژنی ڕەمەزان مووچەی مانگی ئازار دابەشدەکرێت، کۆی ئەو هەواڵانە تەنیا دەنگۆن و وەزارەتی دارایی عێراق بە ڕەسمیی هیچ شتێکی بڵاونەکردووەتەوە.
وتیشی، تەنیا چەند ڕۆژێکی کەم ماوە بۆ جەژنی ڕەمەزان، لەو ماوە کەمەدا حکومەتی عێراق توانای ئەوەی نییە کە مووچە دابەشبکات، لەو باوەڕەشدا نیم پارەی تەواو لەبەردەستدابێت بۆ دابەشکردن.
