تیمێکی شارەوانیی سلێمانی، زێدەڕۆیی سەر شەقامەکانی نزیک لە ناوچەی پیشەسازی ناسراوە، لادەبات.
لیژنەیەکی هاوبەش کە پێکهاتوون لە بەشی زێدەڕۆیی شارەوانیی سلێمانی و قائیمقامیەتی سلێمانی و بەڕێوەبەرایەتیی هاتوچۆی سلێمانی و ئاسایشی سلێمانی، ڕۆژانە چاودێریی شەقامەکان دەکەن و بەهیچ جۆرێک ڕێگە بە ڕاگرتنی ئۆتۆمبێلی پێشانگاکان و ئۆتۆمبێلی دیکە نادرێت لەسەر شەقامەکە ڕابگیرێن.
ئامانج لەو ڕێکارەی لیژنەکە ئەوەیە، قەرەباڵغی و لۆدی سەر شەقامەکە نەهێڵدرێت کە بەهۆی ڕاگرتنی ئەو ئۆتۆمبێلانەوە دروست دەبوو.
