وێنەی مورید گۆران، ئەو منداڵەی بوو بە ڕەمزی پشتیوانیی کوردانی ڕۆژئاڤا لە ئەندەرپاسی شەهید ڕەئوف بەگ لە شاری سلمانی دەنەخشێندرێت.
پەروەردەی ڕۆژهەڵاتی سلێمانی بڵاویکردەوە، لە کارێکی نوێی هۆبەی چالاکیی هونەری و مامۆستایانی هونەری پەروەردەی ڕۆژهەڵات، وێنەی مورید گۆران، ئەو منداڵەی بە ئاڵاکەی سەر پشتی و مەمکەوشکەکەی دەمی، بوو بە ڕەمزی خۆپیشاندانەکانی پاڵپشتی لە ڕۆژئاڤا، لەسەر دیواری ئەندەرپاسی شەهید ڕەئوف بەگ، ئەو شوێنەی مورید پێیدا تێپەڕی، دەنەخشێندرێت.
ئاماژەی بەوەشکردووە، پڕۆژەکە بە سەرپەرشتیی بەڕێوەبەرایەتیی گشتیی پەروەردەی سلێمانی – پەروەردەی ڕۆژهەڵات، هۆبەی چالاکیی هونەری و بە هەماهەنگیی بەڕێوەبەرایەتیی ڕۆشنبیری و هونەریی سلێمانی و هاوکاریی دکتۆر موحسین ئەدیب، بەڕێوەبەری ڕۆشنبیری و هونەر ئەنجامدەدرێت.
