وتەبێژی سەرۆکایەتیی هەرێم رایگەیاند، “هیچ هۆکارێک نییە مەترسی لەسەر مووچە دروستبکات، ئەم دڵنیاییە لە ئایندەیەکی نزیکدا دەدرێت بە سەرجەم فەرمانبەر و مووچەخۆرانی هەرێم”.
دڵشاد شەهاب، وتەبێژی سەرۆکایەتیی هەرێمی کوردستان لە کۆنفڕانسێکی رۆژنامەوانیدا رایگەیاند، لە سەردانەکەی سەرۆکی هەرێم بۆ بەغداد کۆمەڵێک پرسی چارەنوسساز لەگەڵ بەرپرسانی بەغداد تاوتوێکران.
لەبارەی مووچەی مووچەخۆرانی هەرێم، دڵشاد شەهاب، ئاماژەی بەوەکرد، گفتوگۆکانی پەیوەست بە مووچە تەکنیکین نەک سیاسی و دارایی قورس، هیچ هۆکارێک نییە مەترسی لەسەر مووچە دروستبکات، ئەم دڵنیاییە لە ئایندەیەکی نزیکدا دەدرێت بە سەرجەم فەرمانبەر و مووچەخۆرانی هەرێم.
