وەزارەتی سامانە سروشتییەکانی هەرێمی کوردستان ڕایدەگەیەنێت، لە ئەمڕۆوە غازی ماڵان لە ڕێگەی کارتی ئەلیکترۆنییەوە دابەشدەکرێت و هەر ماڵێک مانگانە دوو بتڵ غازی پێدەدرێت.
وەزارەتی سامانە سروشتییەکانی هەرێمی کوردستان بڵاویکردەوە، بەمەبەستی کۆنتڕۆڵکردنی هەڵکشانی نرخی غازی شلی ماڵان، وەک هەنگاوی یەکەم، ئەمڕۆ لە پارێزگای هەولێر لە ڕێگەی بریکارە گەڕۆکەکانەوە و بە کارتی ئەلیکترۆنی، دەست بە دابەشکردنی غازی ماڵان دەکرێت.
ئاماژەی بەوەشکرد، پڕۆسەکە 30 ڕۆژ دەخایەنێت، هەر هاوڵاتییەک دەتوانێت لە ڕێگەی ئەم سیستمەوە، بە کارتی ئەلیکترۆنی بوتڵی غاز بە نرخی رەسمیی هەشت هەزار و 500 دینار، لە ڕێگەی بریکارە گەڕۆکەکانەوە غاز وەربگرێت.
